Sommerset er no fast tilsett avdelingsdirektør

Ingunn Sommerset har no fått jobben ho allereie hadde.

Ingunn Sommerset tek over etter Edgar Brun og blir avdelingsdirektør for fiskehelse og fiskevelferd ved Veterinærinstituttet. No på fast basis.
Ingunn Sommerset tek over etter Edgar Brun og blir avdelingsdirektør for fiskehelse og fiskevelferd ved Veterinærinstituttet. No på fast basis.Foto: Vilde Ferah Molven

I oktober 2024 blei Ingunn Sommerset tilsett som fungerande avdelingsdirektør for fiskehelse og fiskevelferd ved Veterinærinstituttet. Etter ein normal tilsetjingsprosedyre er Sommerset no fast tilsett i stillinga frå 1. april 2025, skriv Veterinærinstituttet på eigne nettsider.

Ho vil med dette ha ansvaret for omtrent 100 medarbeidarar organisert i fem fagseksjonar lokalisert i Harstad, Trondheim, Bergen og i Ås.

Sommerset kjem frå stillinga som seksjonsleiar for forsking akvatisk biosikkerheit ved Veterinærinstituttet. Ho har også vore redaktør for Fiskehelserapporten, og har no i kraft av ny stilling, vore ansvarleg redaktør for rapporten.

Som Intrafish omtalte i februar var Sommsert éin av seks som søkte på stillinga.

Hausten 2024 blei det klart at Edgar Brun trappa ned og at Sommerset blei konstituert i stillinga.

– Det har vore ei interessant tid kor fiskehelse- og velferd etter kvart har fått mykje meir merksemd. Framover trur eg det vil skje mykje innan forvalting, i næringa og på Veterinærinstituttet. Det blir spennande tider, men det er på tide å sleppa til yngre krefter, sa Brun.

(Vilkår)
Publisert 3. april 2025, kl. 11.28Oppdatert 3. april 2025, kl. 11.28
Ingunn SommersetVeterinærinstituttetArbeidslivJobbskifte