– Vi har sett at det har vore gjennomgåande færre overskridingar av lusegrensa gjennom heile 2023.
Det fortel Else Marie Stenevik Djupevåg til Intrafish, gjennom Mattilsynets pressevakt.
Og tala for november er heller ikkje noko unntak. I årets nestsiste månad blei det meldt frå om 48 overskridingar, noko som er langt færre enn dei siste fire åra.
I utrekninga for november har Intrafish tatt utgangspunkt i fem veker: veke 44 til og med veke 48.
Tala for overskridingar dei same november-vekene dei siste åra blir altså, ifølge Barentswatch, slik:
2023: 48
2022: 101
2021: 70
2020: 106
2019: 124
Viktig forebygging
Djupevåg meiner det er vanskeleg å seie kva som er årsaka til dei lave tala samanlikna med tidlegare år.
