Torsdag kveld 31. august i 2023 oppdaga tilsette ved Lerøy Vest Sjø eit større hol i ei not på lokaliteten Naveide i Austevoll kommune.
To veker seinare meldte selskapet at 15.000 regnbogeaure på rundt tre kilo har rømt frå lokaliteten. Både selskapet og Fiskeridirektoratet mistenker at makrellstørje kan vera årsaka til holet i nota.
Som Intrafish har skrive tidlegare blei rømminga meldt til politiet av Norges Miljøvernforbund. Organisasjonen meinte rømminga var grov miljøkriminalitet.
Tidlegare i februar uttala Vest politidistrikt at dokumentasjon og tilsynsrapporten frå Fiskeridirektoratet skulle gjennomgåast før det blei teke avgjersle om å starta etterforsking.