Lyden av fôr som blir slynga ut i merdane høyrest i bakgrunnen. Inne på kontoret sit Torbjørn Fosså (20) og ser på laksen i merdane. Med ein Xbox-kontroll styrer han kameraa og sjekkar at fisken et som han skal. Snart skal han og Lars Henning Fosse (20) ut å samla inn fem fiskar til veterinæren som kjem på besøk på lokaliteten til Bolaks på Altaneset i Fusa.
Dette er ein del av jobben til dei to, som i løpet av dei siste månadane begge har teke fagbrev innan akvakultur.
