Under eit møte i Bergen Næringsråd tysdag fortalde fiskeri- og sjømatminister Harald Tom Nesvik at departementet har bestilt eit arbeid frå Havforskingsinstituttet (HI) og Veterinærinstituttet (VI) som saman skal skissere ein ny lokalitetsstruktur i PO 3 innan 1. mai 2020.
- Aktørane skal også bli invitert inn i dette arbeidet, understrekar Nesvik.
Krevjande situasjon i PO 3
Det var i samband med at ministeren snakka om årets fargelegging av dei ulike produksjonsområda at han tok opp at det ikkje er noko løyndom at situasjonen i PO 3 er krevjande.
