Fiskeridirektoratet trekk tilbake gebyret på 655.438 kroner som Bremnes Seashore blei ilagd etter ein brann på lokaliteten Sølvøyane i Bømlo kommune i mai 2017.
Direktoratet meinte det var mangelfull internkontroll i tilknytning til brannfare på lokaliteten, særleg i samband med handtering av merdlys.
Bremnes Seashore påklaga vedtaket frå Fiskeridirektoratet og har no fått medhald og gebyret er trekt tilbake.
– Eg er nøgd med at Fiskeridirektoratet no har kome til same konklusjon som me har hatt heilt sidan hendinga. Våre tilsette har handla forsvarleg og aktsamt, og våre internkontrollsystem var gode nok på hendingstidspunktet.
