Det viser forsøk Havforskingsinstituttet har gjort på vegner av Fiskeridirektoratet.

- Me har gjort ulike forsøk med not i kar, og fisken er ikkje fôra under forsøka. Dei viser at smoltrømming stort sett skjer dei to første døgna etter utsett, deretter blir smolten vant og fell til ro. Og stor fisk prøver seg ikkje på å rømme, fortalte forskar Torstein Harboe ved Havforskingsinstituttet under framlegginga av Havforskningsrapporten 2014.

Forsøket er gjort med atlantisk laks i tre ulike stadium, lakseparr, smolt og postsmolt. Eit fellestrekk er at det er storleiken på hovudet som avgjer om fisken prøver å rømme eller ikkje. Fisk som er for stor til å rømme, får gjerne notskadar, til dels store. Dermed er dette òg eit fiskehelseproblem.

- Vekt er difor betre å bruka som mål enn lengde når ein skal velja maskeopning. Og det er den minste fisken i eit utsett som avgjer om ein får rømming eller ikkje, fortalte Harboe.

Har ein eit utsett med normalfordeling på smolten, kan ein rekna seg ut til storleiken på den minste fisken og velja maskeopning etter det. Kontrollmålingar fiskeridirektoratet gjorde, viser at det ikkje nødvendigvis er normalfordeling i eit utsett. I tillegg varierar storleiken svært mykje.

Forsøka viste at ved maskeopning 30,7 mm var største fisk som rømte 21 gram. Største fisk med notmerke var 59 gram. Ved maskeopning 38,5 mm var største rømte fisk på 40 gram, og ved maskeopning på 40,7 mm var største rømte fisk 53 gram. Ved 45,7 mm var vekta auka til 88 gram, ved 49,2 mm til 136 gram, og ved 54,4 mm var største rømte fisk 193 gram ifølgje tala Harboe presenterte.

Nyheter

Smoltrømming skjer like etter utsett