Nyleg fortalte styreleiar i White Ocean Salten og dagleg leiar i White Ocean, Jan Helge Dahl, til IntraFish at nye eigarar hadde gått inn med 10-11 millionar kroner og overteke torskeoppdrettsselskapet White Ocean Salten frå White Ocean. Ifølgje eit kreditorvarsel tar no aksjonærane ut nær 31,6 millionar kroner frå selskapet.

I kreditorvarselet heiter det at ”I generalforsamling 17.12.2010 ble aksjekapitalen besluttet nedsatt fra NOK 44.626.752,00 til NOK 100.000,00. Nedsettelsesbeløpet skal anvendes til: Dekning av tap som ikke kan dekkes på annen måte NOK 12.934.112,00. Tilbakebetaling til aksjeeierne NOK 31.592.640,00.”

Eventuelle krav eller innseiingar må meldast føretaket innan to månadar rekna frå 21.12.2010.

Ifølgje Dahl skulle dei nye eigarane driva vidare med torskeoppdrett i Salten. Han ville ikkje opplysa kven dei nye eigarane er. Kven dei nye eigarane er, er heller ikkje registrert av Konkurransetilsynet der bedrifter og andre næringsdrivande har plikt til å melda frå om fusjonar, oppkjøp og avtaler som fører til kontroll i andre selskap.

Dagleg leiar Nils Rune Dahl i White Ocean Salten viser til styreleiaren i selskapet for kommentar. IntraFish har ikkje lukkast i å få kommentar frå styreleiar Jan Helge Dahl til kapitalnedsettinga, eller kvifor oppkjøpet ikkje er registrert hos Konkurransetilsynet.

joar.grindheim@intrafish.com

Nyheter

Tar ut pengar frå White Ocean Salten