- Me har hatt litt forseinkingar, men det er såpass lenge til fisken skal vera framme så me har god tid. I tillegg er det lite transport som går no, og der bilane ikkje er køyrt frå anlegga finst det alternative vegar om det er stengt, seier viseadministrerande direktør Frank Yri i lakseeksportøren Seaborn til IntraFish.

Ifølgje bt.no er det framleis elleville kjøreforhold på hovudvegen mellom Bergen og Oslo. I løpet av eit knapt døger hamna over 20 vogntog i trøbbel på éin vegstrekning på nokre mil i Voss kommune. Tirsdag klokken 13.55 vart vegen stengt for all trafikk, etter å ha vært stengt for vogntog i en periode.

- Dette er heilt spesielt. Eg har aldri opplevd maken. Det er i hovudsak utanlandske vogntog som ikkje er skodd for forholda. Når ein stansar for å legge på dekk, så klarar ikkje dei andre å kome seg forbi, og blir ståande seier vaktoperatør Tom Hansen ved Veitrafikksentralen i Hordaland til avisa.

Avisa fortel at bergingsbilsjåfør Steinar Herheim har hjelpt fleire vogntogsjåførar. Fleire av dei kan verken norsk eller engelsk, og ein sjåfør klarte å leggja på kjettingane med piggane inn mot dekka, fortel han til avisa.

Dagleg leiar i transportselskapet Byrknes Auto, Stein Inge Larsen, stadfestar at utanlandske vogntog er hovudproblemet. Han fortel at det også går utover laksetransporten.

- Me har ingen problem med å kome oss over fjellet uansett føre, for me har norsk utstyr og norske sjåførar. Men det som hindrar oss er den andre trafikken, spesielt dei som kjem frå utlandet. Dei er ikkje skodd og lager kaos -- då blir det kaos for oss også. Me kan sjølvsagt vera uheldige me òg, men som regel så går det greitt, seier han.

Han seier vidare at utanlandske sjåførar er komne for å bli, men dei har ikkje trening i å køyra på norske vegar og i norske forhold. Larsen kjem dermed med eit spark til næringsaktørar som han meinar tenkjer for mykje på kostnadar og for lite på transporttryggleik.

- Det heile handlar om pris og å tena mest mogeleg. Å betala for transport og tryggleik bryr ein seg ikkje om, seier han.

joar.grindheim@intrafish.com

Nyheter

Vintervêr skapar forseinkingar for laksetransporten